Yodgorliklarda o‘tkazilayotgan tadqiqotlar
Xorazm viloyati hududida 36 ta arxeologik yodgorliklar mavjud bo‘lib, ularning tarixi hududda o‘tkazilgan arxeologik ekspeditsiyalar davomida o‘rganilib kelinmoqda. Keyingi yillardagi arxeologik tadqiqot ishlari bevosita Xorazm Ma’mun Akademiyasi olimlarining faoliyati bilan bog’lanib ketadi.
Xorazm Ma’mun Akademiyasi arxeologlarining yillik ish rejasiga asosan, 2025-yil davomida Shovot tumanidagi “Qiyotshaharchasi” yodgorligida arxeologik qazishmalar o‘tkazish hamda, Tuproqqal’a tumani hududida arxeologik qidiruv tadqiqotlarini olib borish rejalashtirilgan bo‘lib, hozirda Madaniy meros agentligining Ochiq varaqa va ruxsatnomasiga asosan “Qiyotshaharchasi” arxeologik yodgorligida arxeolog Baxram Pulatovich Sadullayev rahbarligida arxeologik ekspeditsiya ish faoliyatini boshlab yubordi.
Arxeologik ekspeditsiya jarayonlari haqida hisobotlar Xorazm viloyati Madaniy meros boshqarmasiga berib borilmoqda va tadqiqotlar ommaviy axborot vositalarida keng jamoatchilikka yetkazilmoqda.
